denglen pa'y tagleey tonia'y puso
mareen a hambayo ed labi
mangipaparngel na panangaro
say pilalek a nagamoran to
masurin panangarom pinabli
denglen pa'y tagleey tonia'y puso
kada parok o kuyabkuyab to
dasal ed bibil na manangali
mangipaparngel na panangaro
odino anlong iran maando
andi la'y pilatek sika agi
denglen pa'y tagleey tonia'y puso
denglen pa'y laineng na ilalo
tan liknaan ya ag la niburi
mangipaparngel na panangaro
no sinagem so bales ed aro
inilaloan la'yan onsabi
denglen pa'y tagleey tonia'y puso
mangipaparngel na panangaro
Send VILLANELLE: TAGLEEY Ringtone to your cell phone!
