Halul akkal, bayan buddiman
Gagandilan wala' kiyarapatan
Nananakus barong, o pipisan
Simusupa' mama' hipu' sin pamulansang
Daing ha Sug naglayag
Ha Mindanao, kalis biyabag
Pagdatung pa Borneo panji sintak
Tihta adil nagmumpaat
Satru' dimatung nagkanam
Kastila', Jipun iban Milikan
Hinagud in piya-atubang
Dayu minu' kalulu-uyan
Atay pati babaun
Ayau hadja sipugun
Dugu' nyawa di' ugun
Magbaugbug parulihun
Budjang lando' iyayaran
Iya-angkap biya dayang-dayang
Kuku malingkat piyapassalan
Siku' di' misan kakitaan
Hula' piyaruli
Alta' di' mabi
Bangsa baugbugan
Kawasa di' mahailan
Ha agama nahambuuk
Pagmuparik na sulut
Makuyag mag-ammal ma'ruf
Hangka tamungun batawi iban kuput
Iman pahugutun
Ilmu' ammalun
Pilak pabanusun
Mamarinta kunsum
Patuhan mag-ammal
Adat di' malawa'
Buddi mahalga'
Maksud Sampurna'
Hakasabunnalan timindug
Tu'lid atay TAUSUG
Send TAUSUG GAGANDILAN Ringtone to your cell phone!
