1
Siya an Bicolana magayon na daraga
Dai siyang kaarog naiiba
Siya an Bicolana magayon na amiga
Ano man an panahon siya maogma
Sa harong malinig siya, sa kapuwa matinabang
Magaya-gaya siyang dangogon magtaram

Refrain 1:
Dai siya nin katumpad maski saen man
Dai ko siya malilingwan sagkod pa man
An magayon na daraga, an maogmang amiga
Siya an buot kong kaiba, siya sana daing iba
Huli ta siya naiiba, Bicolana.

2
Siya an Bicolana magayon na daraga
Maimbod an puso naiiba
Siya an Bicolana magayon na amiga
Pagsunod man sa Diyos siya maogma
An ugali niya marhay, kaisipan halangkaw
Magaya-gaya siyang kaibahan sa buhay.

(Repeat Refrain)

Coda:
Saen man magduman pangiturugan
Hanap ko saiyang kagayonan
Ngonian ko pa sana naaraman
Kaipuhan ko siya, dadamayan ko siya nuarin man

Refrain 2:
Dai ko siya iriribay maski pa kiisay
Dai ko siya malilingwan sagkod pa man
An magayon na daraga, an maogmang amiga
Siya an buot kong kaiba, siya sana daing iba
Huli ta siya naiiba Bicolana
An magayon na daraga Bicolana.

Send SIYA AN BICOLANA Ringtone to your cell phone!