oadman ak
nen oala ka ed dalem na bekta
a singa aplos na apatiran dagem
ya alikas kon inmesaes
na masutla 'ran balikas
ed sengeg na layag ko
aliling mo'y palun pakamuria
ono tinmalintaon musia
ed limgas
imbangat ko 'ra'y limam
tan bibil mo no panon
ya onkioas a singa kumpapey
ed ardin na pagew ko
oadman ak
nen tinmaoag so labin
nibanan sikato met so insabim
ed lakseb kon kugkugip
tan malurey iran ilalam
oadman ak
nen arumog mo'y aristos
na inka say sika
sankarengel ko'y parok
na malapati ed pagew mo
tan ngalngali kauyos na linaoam
nen naamtaan mo la'y sankaunaan
ya panpilalek
na laman
oadman ak
nen naptang
tan manogagep ira'y matam
alay sibeg ya inkuan mo nin:
maminsan ni
salien ko pa met
so oala ed tapew
pinabli
Send ONAN PANPILALEK Ringtone to your cell phone!
