Musika
(Avelino Bautista)
Sung by VHen Bautista
Sipud pay idi main-inawak
Sikan ti iyik-ikkis daytoy riknak
Adu nga arapaap nabokel 'toy kaungak
Ngem sika musika ti indaddadumak
Musika ti biagko pasetnaka
Kasilponaka't angesko ken kararua
Gapu laeng kenka bituenak ita
A kas maris diay baggak iti agsapa
Chorus
Kasmanla dika maragpat o musika
Ta adu a rigat ti nagpasarak kenka
Arigna a daytoy biagko't naipusta
Magunod ka laeng o musika
Agkupas ton 'toy timekko addan to latta
Mangmangngegam a naumbi a sonata
Babaen kadagiti naurnong a plaka
Addaakto latta kaduak ni musika
Instrumental
Ngarud danggayannak nga agkanta
Tapnon nasam-sam-it panaglangenta
Babaen itoy a kanta ipeksak yamanko kenka
Panangtapayam kaniak nga awan sardayna
Musika metla't gapu a nagam-ammota
Ket sapay koma ta dika maum-uma
Kadagiti ayug nga isagsagutko kenka
Agnanayon to koman nga agpagayamta
repeat chorus
from the album Musika ni Vhen Bautista "Agpaay Kenka"
released by BMG Records (Pilipinas)
Send MUSIKA Ringtone to your cell phone!
