Ing Konsejal Iru meangu ing bie na
Atyu makaburul king mismung bale na;
Dakal la ding taung babie galang kaya.
Balang miapagan, maglutu lang baka.

Ing baka, e paman melambut a laman
Y Tikung Gilagid maniawad neng kanan;
Linapas yang ditak ketang palambutan
Saka ne inakmul mebaknal ya kanian.

Penimid de atyan masuerti nyang tutu
Linual ya ing karning inakmul nang Tiku;
Kamasmas na, ngana, nu ko bigsu na mu---
Bigsu na ku pala tinuki kang Iru.

Send BIGSU NA MU Ringtone to your cell phone!