Telanan mu ku gamat
Makapiak kung dinuku
Pilit kung ísipan nung
Kaluguran mu ku ping tutu
Nung panusignan da ka king buri mu
Pota e maglambat mikawani tamu
E ku naman mu rin abata
Inya pin ngeni sabian ku na
'Nyang mumunang bigla
Apansinan kung aliwa kang talaga
Tabalu kabud nea mu kinabug ing pusu ku
Kasanting mung lalaki
Maganaka, mapanantabe
Mebaldug ku lub keka
E migluat ikata nang adua
Sabi ku pin king sarili ku
Subuknan ku pa’ pota pin iya pin na
O’t atin bala mu sisitsit kaku
Pakalale ku kanu
E ku pa mákasiguru
Respetu mu naman ing kaku
O’t e mu pa' pakibaluan ing buri ku
'Ganaganang gagawan ku para mu keka
Tutung kaluguran da ka
Migkulang ku pa wari keka
Sabian mu nanu ing pa'intunan mu pa
Aliwa kang talaga
Sabi mu kaku atin kang puntalan
E ka maglambat, ala kang perang dadalan
Tabalu, mulala ku wari't e ku balu
Kalaram mung lalaki, sana e na ka mu sinabi
Uyta na pin ing sasabian ku
Magaling ka patye kokontrolan mu ku
Patye mo aku babawal mu ku
Oneng ika, pábusten da ka mu
Bagya-bagya ing oras mawawala
Sabian mu nung kaluguran mu ku pa
Matutula ka pa patye kokontrolan mu ku
'Ganaganang kikimut ku papansinan mu pa rugu
Anti mo ing susulud ku, makuyad ya, libayan ku
Ala na kung dapat bayuan
Talaga naman makanini na ku
Inyang meging ikata ‘nyang mumuna mu masaya
Sasagaran ko ring oras tamu
Tutung kaluguran da ka
Ditak a masaguli, pane na ku mung tutuki
E ku na agyu ini, mapagal na ku kasi
Pilit kung pa'intunan ing pakibat
Karing alang patugut a kutang ku king buntuk
Sisibi, mágsisi, nu ku pa migkamali
Penamdaman a ligaya
Kabud nea mu meyari
Respetu mu naman ing kaku
O’t e mu pa' pakibaluan ing buri ku
'Ganaganang gagawan ku para mu keka
Tutung kaluguran da ka
Migkulang ku pa wari keka
Sabian mu nanu ing pa'intunan mu pa
Aliwa kang talaga
Telanan mu ku gamat
Makapiak kung dinuku
Pilit kung ísipan nung
Kaluguran mu ku ping tutu
Nung panusignan da ka king buri mu
Pota e maglambat mikawani tamu
E ku naman mu rin abata
Inya pin ngeni lakuan da na ka
Send ALIWA KANG TALAGA Ringtone to your cell phone!
